Ischi wärta

Certified Mint.jpg

Qualität, immär!

Wiär mächä kei Kompromissa im Hiblick uf z’Produkt, darum kontrolliäräwär di Produktionskätti vo A-Z und wäns z’Produkt bässär macht, wimdäwär oi mal Mitti Novämbär bi Vollmond inär Nacht mit -13 Grad oder spritze d’Räbä gägu Pilzbefall. Wiär mächä nur Wiina wawär oi selber so am liäbstu würdi trichu, nix biliäbig Üstüschbars. Genau üs däm Grund heiwär oi nur 6 Sortä, wiär si fokussiärt und nit so multitasking.

Transparency Mint.jpg

Wiär värzällä kei bullshit

Wiär si nit perfäkt, im Gäguteil, kilometerwiit derfa äntfärnt. Was wär aber definitv scho jetz si isch transpäränt. Wiär wällä isch värbässru, abär das brücht Ziit und nit nur Blabla. Darum nännä wär ischi Schwächinä oi «Schwächinä» und nit apa «Challenges», nur fär dass bässär tehnt. In gwissu Biricha siwär momentan ganz ehrlich no zimli schlächt.

Handmade Mint.jpg

wiär schaffä mitu händ

Wänmu so chli wiä wiär isch, dä chamu sich das ärloibu, müäsmu sogar. Gwissi Parzällä schaffwer mim Traktor, aber das isch im Wallis sehr schwierig, darum sätzäwär inu Räbä und im Chällär uf Handarbeit. In ubär 150 Arbeitsschritta äntsteid än Fläschu Indianär, wiäsch schliässli bi diär ufum Tisch isch. Mal bricht bim Foltru än Trägärstoss ab odär isch äs Etigget nit ganz grad kläbt, abär das passiärt halt, nit so tragisch.

World Mint.jpg

profit an viärtär ställ

Wiär si nit uf Wachstum gibirschtut, ämäl nit um jedu Priis. Wiär wällä scho no bitz waxu und durchüs oi äppis Gäld verdiänu. Das wälläwär abär mit Chundä, wa biwusst Wii konsumiärunt. Oi mal än Fläschu wenigär, aber darfär d’Richtigi. Wiär sätzä ischi Prioritätä wiä wär wällä. Ufu erstu drii Ställä stehnt bi isch: Mänschu, Planet und Produkt (alphabetisch) därna ersch där Profit. Das find där Büächhaltär zwar doof, wiär aber zimli lustig!