WALLIS

D'Indianär-Abügebiäti ersträckunt schich im Ostu bis ins vordär Saastal und gehnt im Wästu bis knapp hinär d'Sprachgränzu. In ischär Gägund wird scho sit knapp dumä Jahrtüsig Wii produziärt.

Där Rückgang vom Rhoneglätschär mitu därzüäkherigu Bärgstirz und Ärdrutscha sorgunt in Kombination mim Schwämmland vom Rottu vär d eiguntlichi Basis vo hochstehundu Wiina: vielfältigi Bädu.

D Jahreszitä prägunt z'einzigartig Wallisär Klima. Där Früähling lat vilmals uf schich lah wartu bisär entli der frostig karg Wintär ablest. Där Summär isch heiss und niedärschlagsarm und d'Milti vom Härbst mitu grossu Tag-Nacht-Tämpäraturunterschieda, intensiviärunt in Zämuarbeit mim ältustu Wallisär (Föhnwind) d'Aromä und der Rifägrad vonu Tribla.

image/svg+xml