RARON

Raron isch där Bezirkshoiptort vo einum vonu drizäh Wallisär Stärna (Bezirk Wäschtlich Raron). D’Ortschaft sälbär isch im Jahr 1014 zerscht mal urkundlich erwähnt wordu. Damals no unär dum Namu Raronia Prudens (z’klug Raron). Z’Dorf liggut uf 638 m ü. M. und isch dank der Heechi und där Bodubischaffuheit perfekt väru Abü vo wissu Spezialitätä geignut.

In Raron pflanzunt d’Indianär värschidni wissi Sortä a (vorhär Pinot Noir) und heint där gsamt Räbbärg inu värgangunu 5 Jahr komplätt ärnoirut. Uf knapp 5’000 m2 ärntäwär im Härbscht Petite Arvine, Heida, Gros Rhin, Resi und Malvoisiär. Sit Jahrhundärti wird in dischär Gägund Wiibü bitribu und äs isch iisch än grossi Freid dischi Tradition fortzfiähru.

Raron hät abär no ditlich meh z’biätu als Räbä. Nadu Ubärschwämmigä vom Dorfbach Bietschi inu Jahr 1414 und 1494 hät där damalig Bischof und speträ Kardinal Matthäus Schiner entschlossu, ufum Burghubil än noiji Chirchu z’büwu. Näbu där legendäru Burgchirchu, wa scho vo witum här sichtbar isch, hät där wältbirüämtä Schriftställär Rainer Maria Rilke schini lätschti Rüähestädt.

Bildschirmfoto 2019-02-07 um 09.09.41.png