Dämmrig

Där Summär biätut ungloiblich schöni Momänta. Ämabund und Ämorgund innär Dämmrig zeigt sich di ganzi Schönheit vo däm ganz bsundru Fläcku Wält.

Si am Abschnidu

Gwissi Sortä heint nadu Frostschädu vo letschtum Jahr ditz Jahr sehr viel Energie. Vär trotzdäm hechsti Qualität und Konzentration inu Aromä garantiäru zchänu, siwär am abschnidu. Hiä am Bispil vom Häppy (Petite Arvine) vo negscht Jahr.

IMG_0686.JPG
IMG_0685.JPG

Si am Zwiju

Scho sit Jahrhundärtu isch di Tradition vom Zwiju (Aufpfropfen) fixä Bistandteil vom Räbbü. Dadärbi wird uf än bistehundi Räbu än noiji Sortu gipfropft. In ischum Fall heiwär uf än Parzällu Pinot Noir mit Jahrgang 1983 noi Silvaner (Gros Rhin) gizwijut.

Där Vorteil isch, daswär vonu "altu Räbä" mit irusch teifu Wurzlä und Widerstandsfähigkeit chänä profitiäru und di nit durch Jungi miässä ersätzu. Züädäm chänwär scho negscht Jahr z'erscht mal Gros Rhin wimdu, bimä Üfbruch weris ersch in dri Jahr sowit.

 

Si am Wässru

Bi dänu gringu Niederschlagsmänginä dischä Summär heiwer nit wirkli än andri Wahl. Z'Wallis isch än rägilrächti Stäppulandschaft und d'Räbä und Mattä brüchunt dringund Wassär, vär schi vorum Üstrochnu zbiwahru.

IMG_9556.JPG

Voll inär Blüäscht

Hitu hät mär einä ufär Bank gseid, Ziit und Gäld in Räbä z’stäcku sigä äs schlächts Investment. Na drii Jahr Arbeit zgseh, wiä der Petite Arvine z’erst Mal voll inär Blüäscht isch, und mit miädu Arma und brünu Bei hitu heim zgah; da fregimi, ob’s uberhoipt äs bässärs Investment git.

Märk där z'Datum

Dits Jahr finut scho zinsgsamt drittusch mal z'Indianär Summärträffu statt. Hiir gehwär mim Alass in d'Region Raron-Sänggärma. Wiär ställä dnoiji Wiina vor und der Mix üs Kultur, Ragglätt und Wii bhaltäwär bi. Interessiärti chänunt schich hiä amäldu.

Froijä isch eiw zgseh!

IMG_9373.jpg